Esophageal Stricture

نظام انہضام کے امراض اور ہومیوپیتھی ڈاکٹر رضوان ثاقب BHMS 03037578803 تیرھویں قسط خوراک کی نالی کا تنگ ہونا : Esophageal Stricture یہ ایک ایسی طبی حالت ہے جس میں حلق سے معدے تک خوراک لے جانے والی نالی کی اندرونی چوڑائی گھٹ جاتی ہے۔ اس کے نتیجے میں مریض کو کھانا نگلنے، پانی پینے یا خوراک کو معدے تک پہنچانے میں شدید دشواری کا سامنا کرنا پڑتا ہے۔ علامات : نگلنے میں دشواری (Dysphagia): ابتداء میں سخت غذا نگلنے میں دشواری اور بعد میں مائع (پانی وغیرہ) نگلنے میں بھی تکلیف۔ خوراک نگلتے وقت سینے میں یا نگلنے کی جگہ پر شدید درد Odynophagia یا جلن۔ خوراک کا واپس آنا: Regurgitation کھایا ہوا کھانا یا پانی معدے میں پہنچے بغیر واپس منہ میں آنا۔ سینے میں جکڑن یا بوجھ: سینے کے درمیانی حصے (Sternum کے پیچھے) میں غذا کے اٹکنے کا احساس۔ وزن میں کمی: صحیح طور پر نہ کھا سکنے کی وجہ سے وزن کا مسلسل گھٹنا۔ بار بار کھانسی یا دم گھٹنا خوراک کا سانس کی نالی میں چلے جانا ۔ وجوہات: تیزابیت کا ردّ عمل (GERD / Reflux Esophagitis) معدے کے تیزاب کا بار بار خوراک کی نالی میں اوپر آنا، جو سوزش اور خراش پیدا کر کے نالی کو سخت اور تنگ کر دیتا ہے کیمیکل یا تیزابی مادوں کا نگلنا: تیزاب، کاسٹک سوڈا یا کیمیائی مادوں کا حادثاتی طور پر پی جانا۔ ریڈیو تھراپی : گردن یا سینے کے کینسر کی صورت میں ریڈی ایشن کے اثرات۔ طویل مدتی اینڈوسکوپی یا ٹیوب کا استعمال: طویل عرصے تک Nasogastric (NG) ٹیوب کا لگا رہنا۔ رسولی یا کینسر (Esophageal Cancer): نالی میں غیر معمولی گلٹی یا ٹیومر کا بننا۔ سکلیروڈرما (Scleroderma): جلدی اور بافتوں کا ایک آٹو امیون مرض۔ تشخیص: بیریئم سویلو ایکس رے (Barium Swallow X-ray): مریض کو بیریئم کا محلول پلا کر ایکس رے لیا جاتا ہے جس سے نالی کی تنگی کا مقام اور شدت واضح ہوتی ہے۔ اینڈوسکوپی : کیمرے والی باریک نالی کے ذریعے خوراک کی نالی کا براہِ راست معائنہ اور بائیوپسی۔ ایسوفیجل مینومیٹری : نالی کے پٹھوں کی حرکت اور دباؤ کی پیمائش۔ علاج: Condurango: خوراک کی نالی کی تنگی، زخم اور کینسر کی علامات میں سب سے اہم دوا۔ نگلتے وقت شدید درد۔ Baryta Carbonica: نالی میں تنگی، خاص خاص طور پر عمر رسیدہ افراد میں Baptisia Tinctoria: مریض صرف مائع پی سکتا ہو، سخت غذا نگلتے ہی نالی میں اٹک جائے یا قے ہو جائے۔ Alumina: نالی میں شدید خشکی اور فالج، نگلنے کے پٹھے کام نہ کر رہے ہوں۔ Plumbum Met: نالی کے پٹھوں کا شدید انٹھن، تشنج اور تنگی، پیٹ میں شدید مروڑ۔ Nux Vomica: معدے کی تیزابیت (GERD) کی وجہ سے ہونے والی تنگی، الٹی اور بدہضمی۔ Arsenicum Album: نالی میں شدید جلن، گرم پانی سے آفاقہ، بار بار تھوڑا تھوڑا پانی پینے کی پیاس۔ Phosphorus: کھانا کھاتے ہی واپس آ جانا، نالی میں زخم اور جلن، ٹھنڈی چیزوں کی خواہش۔ Lachesis: گردن یا حلق پر کسی قسم کا دباؤ برداشت نہ ہونا، مائع چیزیں نگلنا زیادہ تکلیف دہ۔ Crotalus Horridus: نالی کی تنگی کے ساتھ خون کا اخراج یا گہرے رنگ کی قے، شدید سوزش۔ Ignatia Amara: نروس یا جذباتی دباؤ (Hysterical Stricture) کی وجہ سے نالی میں گولے کا احساس Asafoetida: نالی میں الٹی سمت میں حرکت (Reverse Peristalsis)، خوراک کا اوپر کو آنا۔ Gelsemium: نالی کے پٹھوں کی کمزوری اور فالجی کیفیت، نگلنے کے نظام میں عدم ہم آہنگی ۔ Cicuta Virosa: نالی میں شدید انٹھن ، تشنج، جس کی وجہ سے کھانا نگلنا ناممکن ہو۔ Natrum Muriaticum: نالی میں خشکی کا احساس، غذا نگلتے وقت خراش اور درد۔ Silicea: پرانے زخموں، فائبروسس (Fibrosis) اور سکار ٹشو (Scarring) کو حل کرنے کے لیے۔ Thiosinaminum: نالی کے اندرونی داغوں اور سخت بافتوں (Fibrotic Stricture) کو نرم کرنے میں مفید۔ Carbo Vegetabilis: معدے میں شدید گیس، اپھارہ اور تیزابیت کی وجہ سے نالی پر دباؤ۔ Sulphur: پرانی سوزش، جلن، اور معدے کی تیزابیت کا پرانا مرض۔ Hydrastis Canadensis: نالی کی بلغم بنانے والی جھلی کی سوزش اور شدید کمزوری۔ Belladonna: اچانک تنگی اور درد، گلا سرخ اور خشک، نگلتے وقت شدید سوجن۔ Cactus Grandiflorus: سینے اور خوراک کی نالی میں لوہے کے پٹھے یا بینڈ کی طرح جکڑن کا احساس۔ Kali Bichromicum: نالی میں گاڑھا، لیس دار بلغم اور زخم، نگلنے میں دشواری۔ Merc Cor: شدید سوزش، تیزابی سوجن اور نالی میں چھالے یا زخم۔ Nitric Acid: نالی میں سوئی چبھنے جیسا درد، زخموں کی وجہ سے تنگی۔ حفاظتی تدابیر : خوراک کو اچھی طرح بلینڈ کر کے یا پتلی دلیا، سوپ، اور کسٹرڈ کی صورت میں استعمال کریں۔ خوراک کو خوب چبا کر کھائیں، کھانا بہت چھوٹے لقمے بنا کر اور مکمل چبا کر نگلیں۔ کم مقدار میں بار بار کھائیں، دن میں 3 بڑے کھانوں کے بجائے 5-6 مرتبہ تھوڑی تھوڑی مقدار میں کھائیں۔ تیزابیت بڑھانے والی اشیاء سے پرہیز کریں جیسے مرچ مصالحے، تلی ہوئی اشیاء، لیموں/ٹماٹر، چائے، کافی اور کولڈ ڈرنکس ۔ کھانے کے فوراً بعد نہ لیٹیں، کھانے کے بعد کم از کم 2 سے 3 گھنٹے تک سیدھے بیٹھیں یا ہلکی چہل قدمی کریں۔ سرہانا اونچا رکھیں، سوتے وقت اپنے سر اور سینے کے حصے کو 6-8 انچ اونچا رکھیں تاکہ تیزاب اوپر نہ آئے۔ وزن پر قابو پائیں، زیادہ وزن معدے پر دباؤ ڈالتا ہے جس سے تیزابیت اوپر آتی ہے۔ تمباکو نوشی اور الکحل سے پرہیز کریں۔ نوٹ: علامات کی شدت اور مریض کی انفرادی حالت کے مطابق دوا کی صحیح پوٹینسی کےانتخاب کے لیے ہمیشہ ایک مستند ہومیوپیتھک ڈاکٹر سے مشورہ کرنا ضروری ہے۔ سیلف میڈیکیشن کسی صورت بھی درست نہیں، یہ نظام انہضام کے امراض اور ہومیوپیتھک علاج کی تیرھویں قسط ہے اور یہ مضمون ابھی جاری ہے، اگلی قسط انشاءاللہ جلد شیئر کر دی جائے گی، میں ہومیوپیتھی کا ایک ادنیٰ طالب علم ہوں، اس مضمون میں آپ جو کمی بیشی محسوس کریں مجھے ضرور آگاہ کریں اور اگر آپ کے تجربے میں کوئی ایسی میڈیسن ہے جو اس مرض میں بہت اچھا رزلٹ دیتی ہے تو وہ بھی میرے نمبر 03037578803 پر ضرور شیئر کر دیں، میں آپ کا احسان مند ہوں گاـ شکریہ