اسوفیگیٹس Esophagitis خوراک کی نالی کی سوزش:

نظام انہضام کے امراض اور ہومیوپیتھی ڈاکٹر رضوان ثاقب BHMS 03037578803 بارہویں قسط اسوفیگیٹس Esophagitis خوراک کی نالی کی سوزش: اسوفیگیٹس اس حالت کو کہتے ہیں جس میں منہ سے معدے تک خوراک پہنچانے والی نالی Esophagus کی اندرونی جھلی میں ورم، سوزش یا زخم بن جاتے ہیں۔ اگر اس کا بروقت علاج نہ کیا جائے تو یہ نالی تنگ ہو سکتی ہے جسے سٹکچر Stricture کہتے ہیں یا دیگر پیچیدگیوں کا سبب بن سکتی ہے۔ علامات: نگلنے میں دشواری Dysphagia ، خوراک یا پانی نگلتے وقت نالی میں رکاوٹ کا احساس۔ نگلنے کے دوران درد Odynophagia ، خوراک کا لقمہ نیچے جاتے وقت شدید جلن یا درد۔ سینے میں جلن Heartburn خوراک کا واپس منہ میں آنا، Regurgitation یعنی تیزابی مادہ یا کھانا حلق میں واپس آنا۔ سینے کا درد جو اکثر دل کے دورے جیسا محسوس ہو سکتا ہے۔ متلی، قے اور ڈکاریں، منہ کا ذائقہ کڑوا یا ترش ہونا۔ وجوہات: تیزابیت کی واپسی (GERD): معدے کے تیزاب کا بار بار نالی میں اوپر آنا۔ ادویات کا اثر (Pill-induced): پین کلرز، اینٹی بائیوٹکس یا آئرن کی گولیاں بغیر پانی کے نگلنا۔ انفیکشن: امیونٹی کمزور ہونے پر کینڈیڈا (فنگس) یا وائرس (HSV, CMV) کا حملہ۔ اسوفیگیٹس (Eosinophilic): خوراک یا ماحولیاتی الرجی کے باعث سفید خلیوں کا جمع ہونا۔ ریڈی ایشن یا کیمیائی سوزش: کینسر کی تھراپی یا تیزابی اشیاء کا غلطی سے پی جانا۔ تشخیص: اینڈوسکوپی باریک کیمرے کے ذریعے نالی کے اندرونی حصے کا معائنہ۔ بایوپسی سوزش کی قسم (فنگل، الرجی یا سوزش) جانچنے کے لیے چھوٹا ٹکڑا لینا۔ بیریئم نگل کر ایکسرے جس میں نالی کی تنگی کا پتا چلتا ہے۔ پی ایچ مانیٹرنگ یعنی 24 گھنٹے میں تیزابیت کے بہاؤ کی پیمائش علاج: Nux Vomica بدہضمی، چٹپٹی غذاؤں کے بعد سینے میں جلن، تیزابیت اور معدے میں وزنی پن۔ Arsenicum Album شدید جلن جو گرم پانی پینے سے بہتر ہو، بے چینی اور پیاس چھوٹے گھونٹ پینے کی Iris Versicolor پورے ہضم کے نظام میں شدید جلن، ترش ڈکاریں اور منہ میں کڑوا پانی آنا۔ Robinia رات کو سوتے وقت ترش تیزابیت کا منہ میں آنا، کھٹی ڈکاریں۔ Carbo Veg نالی کے نچلے حصے میں گیس، پیٹ پھولنا، ٹھنڈے پسینے اور تازہ ہوا کی خواہش۔ Phosphorus ٹھنڈا پانی پینے کی شدید خواہش لیکن پانی معدے میں گرم ہوتے ہی قے ہو جانا۔ Cantharis نالی میں شدید چبھن، جلن اور ایسا احساس جیسے نالی چھل گئی ہو۔ Lachesis گلے اور نالی میں کچھ اٹکے ہونے کا احساس، تنگ کپڑے برداشت نہ ہونا۔ Pulsatilla چربی دار غذا کے بعد تکلیف، پیاس کا نہ ہونا، خوراک کا نالی میں اٹکنا۔ Natrum Phosphoricum زرد زبان، کھٹی قے، گلے میں تیزابی احساس اور معدے کی ترشی۔ Asafoetida خوراک کی نالی میں الٹی سمت (اوپر کی طرف) ہوا کا دباؤ اور ہسٹریکل گولہ کا احساس۔ Lycopodium شام 4 سے 8 بجے تک تکلیف میں اضافہ، تھوڑا کھانے پر پیٹ بھر جانا، گرم مشروب کی خواہش۔ Sulphur صبح کے وقت معدے میں خالی پن، سینے اور حلق میں شدید میٹھی یا کڑوی جلن۔ Condurango نالی کے زخم، تنگی اور نگلنے میں شدید درد Baptisia صرف مائع اشیاء نگل سکنا، ٹھوس غذا کا نالی سے نہ گزرنا۔ Argentum Nitricum تیز ہوائی ڈکاریں، میٹھا کھانے سے تکلیف بڑھنا اور سینے میں دباؤ۔ Hydrastis گلے میں گاڑھا بلغم، معدے میں شدید کمزوری کا احساس اور دائمی بدہضمی۔ Capsicum نالی اور حلق میں سرخ مرچ جیسی شدید جلن جو ٹھنڈے پانی سے بھی نہ جائے۔ Abies Nigra ایسا احساس جیسے خوراک کی نالی کے نچلے حصے یا معدے کے منہ پر سخت انڈا اٹکا ہو۔ China Officinalis پیٹ میں گیس سے تلاطم، ڈکاریں آنے سے آفاقہ نہ ہونا اور نقاہت۔ Merc Cor نالی میں شدید سوزش، زخم، لعاب کا زیادہ بننا اور نگلتے وقت شدید دقت Calcarea Carb ترش قے، کھٹی ڈکاریں، ہلکی مشقت سے سانس پھولنا اور ٹھنڈے مشروبات کی خواہش۔ Bismuth کھانے کے فوراً بعد پانی یا غذا کی قے، معدے کے مقام پر شدید درد۔ Anacardium کھانا کھانے سے جلن اور درد عارضی طور پر ختم ہو جانا۔ Kali Bichromicum گلے اور نالی میں لیس دار بلغم، مخصوص نقطے پر درد کا احساس۔ گھریلو ٹوٹکے: ایلوویرا جوس: کھانے سے 20 منٹ پہلے دو چمچ ایلوویرا جوس نالی کی سوزش کو ٹھنڈک پہنچاتا ہے۔ ملٹھی : ملٹھی کا قہوہ نالی کی اندرونی جھلی کو تحفظ فراہم کرتا ہے۔ ٹھنڈا دودھ ،بغیر بالائی : تیزابیت کی شدید لہر میں چند گھونٹ ٹھنڈا دودھ عارضی راحت دیتا ہے۔ سونف اور الائچی کا قہوہ: کھانے کے بعد سونف کا استعمال تیزابیت اور گیس کو کم کرتا ہے۔ سیب کا سرکہ : ایک گلاس پانی میں ایک چمچ آرگینک سیب کا سرکہ ملا کر پینا اس وقت مفید ثابت ہوتا ہے جب معدہ تیزاب کم بنا رہا ہو۔ غذائی ہدایات اور حفاظتی تدابیر: ابلی ہوئی سبزیاں، دلیہ، کیلا، سیب اور ناریل کا پانی , نرم اور ہلکی غذا جیسے کھچڑی یا دال کا پانی اس مرض میں مفید ثابت ہوتے ہیں جبکہ زیادہ مرچ مصالحے، تلی ہوئی اشیاء، فاسٹ فوڈ اور چربی دار کھانا۔ ترش پھل (لیمو، مالٹا)، ٹماٹر، چاکلیٹ، کافی، چائے اور سوفٹ ڈرنکس سے پرہیز کرنا چاہیے سگریٹ نوشی اور الکوحل سے مکمل پرہیز بھی ضروری ہے حفاظتی تدابیر: چھوٹے نوالے اور چبا کر کھانا کھائیں ، کھانا جلدی میں نہ کھائیں، ہمیشہ اچھی طرح چبا کر نگلیں کھانے کے فوراً بعد ہرگز نہ لیٹیں۔ کھانے اور سونے کے درمیان کم از کم 3 گھنٹے کا وقفہ رکھیں۔ سوتے وقت سرہانے کو 6 سے 8 انچ اونچا رکھیں تاکہ تیزاب اوپر نہ آئے۔ کوئی بھی دوا کھاتے وقت پورا ایک گلاس پانی پیئیں اور کم از کم 30 منٹ تک نہ لیٹیں۔ پیٹ اور کمر پر سخت بیلٹ یا تنگ کپڑے پہننے سے معدے پر دباؤ بڑھتا ہے اس سے پرہیز کریں نوٹ: علامات کی شدت اور مریض کی انفرادی حالت کے مطابق دوا کی صحیح پوٹینسی کےانتخاب کے لیے ہمیشہ ایک مستند ہومیوپیتھک ڈاکٹر سے مشورہ کرنا ضروری ہے۔ یہ نظام انہضام کے امراض اور ہومیوپیتھک علاج کی بارہویں قسط ہے اور یہ مضمون ابھی جاری ہے، اگلی قسط انشاءاللہ جلد شیئر کر دی جائے گی، میں ہومیوپیتھی کا ایک ادنیٰ طالب علم ہوں، اس مضمون میں آپ جو کمی بیشی محسوس کریں مجھے ضرور آگاہ کریں اور اگر آپ کے تجربے میں کوئی ایسی میڈیسن ہے جو اس مرض میں بہت اچھا رزلٹ دیتی ہے تو وہ بھی میرے نمبر 03037578803 پر ضرور شیئر کر دیں، میں آپ کا احسان مند ہوں گاـ شکریہ