Morphinum

شوگر اور مورفینم (Morphinum): ڈاکٹر رضوان ثاقب BHMS 03037578803 مورفینم Morphinum نہایت طاقتور اور گہرے اثرات کی حامل دوا Remedy ہے، جو افیون Opium کے اہم ترین الیکلوئڈ Alkaloid مورفین سے تیار کی جاتی ہے۔ یہ دوا انسانی جسم کے مرکزی اعصابی نظام Central Nervous System، نیند کے مراکز، اور درد کی حس کو کنٹرول کرنے والے حصوں پر گہرے اثرات مرتب کرتی ہے۔ مورفینم کا بنیادی اثر اعصابی اور دماغی نظام پر ہوتا ہے۔ یہ ان کیفیات میں انتہائی معاون ثابت ہوتی ہے جہاں اعصاب اس حد تک تھک چکے ہوں کہ درد کی شدت برداشت سے باہر ہو جائے یا جسم پر غنودگی اور سستی طاری رہنے کے باوجود گہری اور پرسکون نیند نہ آئے۔ یہ دوا جسم کے اندرونی توازن کو بحال کرنے اور شدید قسم کے دردوں کو تسکین دینے کی صلاحیت رکھتی ہے۔ مریض پر مسلسل سستی، غنودگی اور نیم خوابی کی کیفیت طاری رہتی ہے۔ ایسا محسوس ہوتا ہے جیسے ہوش و حواس پر کوئی پردہ پڑا ہو۔ سر میں ایسا محسوس ہوتا ہے جیسے کوئی بھاری وزن رکھا ہو یا ہتھوڑے چل رہے ہوں، جس کے ساتھ چکر اور دھندلا پن کی شکایت ہو ۔ پٹھوں میں جھٹکے لگنا، اعصابی کمزوری اور بے چینی، بالخصوص رات کے وقت بستر پر لیٹتے ہی بے چینی کا بڑھ جانا۔ سانس کی نالیوں اور پھیپھڑوں کے عوارض میں جہاں سانس لینے میں دشواری ہو اور دم گھٹنے کا احساس ہوتا ہو۔ دل کی دھک دھک اور نبض کی رفتار سست لیکن غیر متوازن ہو ۔ مورفینم کی ایک منفرد علامت جلد کی شدید خارش اور چبھن ہے؛ جسم پر جگہ جگہ سوئیاں چبھنے کا احساس ہوتا ہے اور خارش کرنے سے جلد سرخ ہو جاتی ہے۔ ہومیوپیتھک میں اگرچہ مورفینم کو براہِ راست روایتی ہائپوگلائسمک (شوگر کم کرنے والی) دوا کے طور پر نہیں مانا جاتا، لیکن ذیابیطس کے مریضوں میں پیدا ہونے والی اعصابی پیچیدگیوں Diabetic Neuropathy اور شدید نقاہت کے علاج میں اس کا کردار انتہائی کلیدی ہے۔ ذیابیطس کی وجہ سے اعصابی درد Diabetic Nerve Pains، شوگر کے طویل عرصے تک رہنے کی وجہ سے جب مریض کے پیروں اور ہاتھوں میں شدید جلن، سوئیاں چبھنے کا احساس یا سن پن Numbness شروع ہو جائے، تو مورفینم ان دردوں کو تسکین دینے میں مدد کرتی ہے۔ بہت سے شوگر کے مریضوں کو رات کو پاؤں میں جلن یا جسمانی درد کی وجہ سے بالکل نیند نہیں آتی۔ ایسی بے خوابی اور تھکن کو دور کرنے کے لیے یہ دوا مفید ہے۔ جب شوگر کی زیادتی کی وجہ سے جسم اندر سے بالکل نڈھال ہو جائے اور اعصابی نظام مفلوج ہونے کے قریب ہو، تو یہ شفا بخش اثرات دکھاتی ہے۔ طریقہ استعمال: مرض کی کیفیت اور شدت کے مطابق 30C، 200C یا اس سے اوپر کی پوٹینسی میں استعمال کریں