نظام انہضام کے امراض اور ہومیوپیتھی

نظام انہضام کے امراض اور ہومیوپیتھک علاج: ڈاکٹر رضوان ثاقب BHMS (پہلی قسط) یہ ایک پیچیدہ نظام ہے جو منہ سے شروع ہو کر مقعد (Anus) پر ختم ہوتا ہے۔ اس دوران معمولی بدہضمی سے لے کر شدید دائمی امراض تک، کئی طرح کے ڈس آرڈرز (امراض) پیدا ہو سکتے ہیں۔جن میں سے چند اہم امراض ڈسکس کیے جا رہے ہیں 1.Gingivitis مسوڑھوں کی سوزش: جنجیوائٹس دراصل مسوڑھوں کی سوزش اور ورم کا نام ہے۔ یہ دانتوں کی بیماری (Periodontal disease) کی ابتدائی اور ہلکی شکل ہے۔ عام طور پر یہ دانتوں پر پلاک (Plaque - بیکٹیریا کی ایک باریک تہہ) جمنے کی وجہ سے ہوتی ہے۔ اگر بروقت علاج نہ کیا جائے تو یہ بڑھ کر دانتوں کو نقصان پہنچا سکتی ہے اور دانت کمزور ہو کر گر بھی سکتے ہیں۔ علامات: مسوڑھوں کا سرخ یا سوج جانا، برش یا فلاس کرتے وقت مسوڑھوں سے خون آنا۔ منہ سے مسلسل بدبو آنا۔ مسوڑھوں کا نرم ہو جانا اور دبانے پر درد ہونا علاج: 1. Merc Sol مرک سال یہ مسوڑھوں کی سوزش کے لیے ہومیوپیتھی کی سب سے بڑی دوا ہے۔ اگر مسوڑھوں سے آسانی سے خون بہتا ہو، منہ میں تھوک بہت زیادہ بنتا ہو، اور منہ سے شدید بدبو آتی ہو، تو یہ بہترین کام کرتی ہے۔ اس دوا کی ایک علامت یہ بھی ہے کہ رات کے وقت تکلیف بڑھ جاتی ہے۔ 2. Kreosotum کریوزوٹم جب مسوڑھوں سے گہرا، کالے رنگ کا خون نکلے اور مسوڑھے بالکل نیلے یا سوجے ہوئے دکھائی دیں۔ دانتوں میں تیزی سے کیڑا (Decay) لگ رہا ہو اور منہ کا ذائقہ انتہائی کڑوا ہو۔ 3. Phosphorus فاسفورس اگر مسوڑھے بہت زیادہ حساس ہوں اور ذرا سا چھونے یا برش کرنے پر بھی ان سے فوری اور تیز خون بہنا شروع ہو جائے۔ خون کا رنگ چمکدار سرخ ہو ۔ 4. Hepar Sulph ہیپر سلف جب مسوڑھوں میں شدید درد ہو، وہ چھونے سے بہت حساس ہوں، اور ان میں پیپ (Pus) پڑنے کا خطرہ ہو یا پیپ بن چکی ہو۔ مریض کو ٹھنڈی چیزوں سے تکلیف بڑھتی ہے۔ 5. Silicea سلیشیا اگر مسوڑھوں پر چھوٹے چھوٹے دانے یا پھوڑے بن جائیں جن سے پیپ نکلتی ہو، اور دانتوں کی جڑیں کمزور ہو رہی ہوں۔ یہ دوا پیپ کو صاف کرنے اور مسوڑھوں کو مضبوط کرنے میں مددگار ہے۔ 6. Carbo Veg کاربو ویج جب مسوڑھے دانتوں کا ساتھ چھوڑ رہے ہوں (Receding gums)، مسوڑھے نرم اور سپنج جیسے ہو گئے ہوں، برش کرتے وقت ان سے خون نکلتا ہو۔ اس کے ساتھ منہ کا ذائقہ خراب رہتا ہو۔ 7. Nitric Acid نائٹرک ایسڈ اگر مسوڑھوں میں چبھن دار درد (جیسے کانٹا چبھ رہا ہو) ہو، مسوڑھے سفید یا سوجے ہوئے ہوں اور منہ میں چھوٹے چھوٹے السر (چھالے) بن گئے ہوں جن سے خون نکلتا ہو۔ 8. Lachesis لیکیسس جب مسوڑھے گہرے ارغوانی یا نیلے رنگ کے ہو جائیں، ان میں شدید سوجن ہو، اور خون بہنے سے مریض کو درد میں تھوڑا سکون محسوس ہو۔ عام طور پر بائیں طرف کی تکلیف میں زیادہ مفید ہے۔ 9. Staphysagria سٹافیساگریا یہ دوا ان مریضوں کے لیے بہترین ہے جن کے دانت بہت حساس، کالے اور چمکدار نہ رہے ہوں، اور مسوڑھے انتہائی دردناک اور سوجے ہوئے ہوں۔ دانتوں کو چھونے یا ٹھنڈا لگنے سے درد بڑھتا ہے۔ 10. Plantago پلانٹیگو اگر مسوڑھوں کی سوزش کے ساتھ دانتوں میں شدید، گرج دار درد ہو جو گالوں یا کان تک جاتا ہو۔ یہ مسوڑھوں کے درد اور سوزش کو فوری کنٹرول کرنے کے لیے (مدر ٹنکچر کی شکل میں مقامی طور پر لگانے کے لیے بھی) بہت مشہور ہے۔ نوٹ ہومیوپیتھی میں دوا کی طاقت (Potency) اور خوراک کا تعین مریض کی مجموعی حالت اور علامات کی شدت کو دیکھ کر کیا جاتا ہے۔ عام طور پر ابتدائی علامات میں 30C طاقت موزوں رہتی ہے، لیکن سیلف میڈیکیشن کے بجائے کسی مستند ہومیوپیتھک ڈاکٹر کے مشورے سے ہی علاج شروع کرنا چاہیے۔ یہ نظام انہضام کے امراض اور ہومیوپیتھک علاج کی پہلی قسط ہے اور یہ مضمون ابھی جاری ہے اگلی قسط انشاءاللہ جلد شیئر کر دی جائے گی میں ہومیوپیتھی کا ایک ادنیٰ طالب علم ہوں اس مضمون میں آپ جو کمی بیشی محسوس کریں مجھے ضرور آگاہ کریں اور اگر آپ کے تجربے میں کوئی ایسی میڈیسن ہے جو اس مرض میں بہت اچھا رزلٹ دیتی ہے تو وہ بھی میرے نمبر 03037578803 پر شیئر کر دیں، میں آپ کا احسان مند ہوں گا شکریہ