Urea

شوگر اور یوریا Urea: ڈاکٹر رضوان ثاقب BHMS 03037578803 ایک انتہائی اہم دوا ہے جو بنیادی طور پر جسم کے نظامِ اخراج، خصوصاً گردوں کے افعال اور پیشاب کے عوارض پر اثر انداز ہوتی ہے۔ اسے ہومیو پیتھک طریقہ علاج میں پیشاب کی زیادتی، البومین Albumin کا اخراج اور بالخصوص ذیابیطس Diabetes کے مرض میں ایک کلیدی اہمیت حاصل ہے۔ یوریا جسم میں پروٹین کے ٹوٹ پھوٹ سے بننے والا ایک اہم نائٹروجنی فضلہ ہے، جسے صحت مند گردے خون سے چھان کر پیشاب کے ذریعے جسم سے باہر نکال دیتے ہیں۔ ہومیو پیتھی میں جب اس مادہ کو پوٹینٹائز Potentize کیا جاتا ہے، تو یہ ایک مؤثر دوا بن جاتی ہے۔ یہ دوا جسم میں زہریلے مادوں کے ارتکاز کو کم کرنے، پیشاب کے نظام کو درست کرنے اور میٹابولزم کے توازن کو بحال کرنے میں مدد دیتی ہے۔ یوریا کے مریض میں مندرجہ ذیل علامات نمایاں ہوتی ہیں: پیشاب کی زیادتی Polyuria : مریض کو بار بار اور وافر مقدار میں پیشاب آتا ہے۔ خاص طور پر رات کے وقت پیشاب کے لیے بار بار اٹھنا پڑتا ہے۔ پیشاب میں غیر معمولی اجزاء: پیشاب میں البومین Albumin پروٹین کا اخراج نیز یورک ایسڈ اور شوگر کی زیادتی پائی جاتی ہے۔ جسم میں سوجن Dropsy / Edema: گردوں کی کمزوری یا ناکارہ ہونے کی وجہ سے جسم میں پانی رکنے لگتا ہے، جس سے چہرے، پاؤں اور ٹانگوں پر سوجن آ جاتی ہے۔ کمزوری اور تھکن: مریض شدید جسمانی کمزوری، ناتوانی اور پٹھوں میں کھچاؤ یا درد محسوس کرتا ہے۔ وزن میں کمی: میٹابولک خرابی کی وجہ سے مریض کا وزن تیزی سے گرتا ہے۔ پیشاب میں یوریا کی زیادتی کی وجہ سے جلد خشک، خارش زدہ اور بے جان ہو جاتی ہے۔ یہ دوا لبلبے Pancreas کے افعال کو بہتر بناتی ہے اور خون میں گلوکوز کی بڑھی ہوئی سطح کو اعتدال میں لانے میں معاون ثابت ہوتی ہے۔ شوگر کے مریضوں کو جو بار بار پیشاب آنے کی شکایت Polyuria ہوتی ہے یوریا اس علامت کو کامیابی سے کنٹرول کرتی ہے۔ طویل عرصے تک شوگر رہنے کی وجہ سے گردے متاثر ہونے کا خطرہ ہوتا ہے Diabetic Nephropathy۔ یوریا گردوں پر پڑنے والے اس دباؤ کو کم کرتی ہے اور انہیں نقصان سے بچاتی ہے۔ اگر شوگر کے مریض کے پیشاب میں شوگر یا پروٹین آنے لگے تو یہ دوا اس اخراج کو روکنے میں مددگار ہے۔ شوگر کے مریضوں میں پائی جانے والی عام جسمانی کمزوری، سستی اور پٹھوں کے درد کو رفع کرتی ہے