Vanadium

شوگر اور وینیڈیم Vanadium: ڈاکٹر رضوان ثاقب BHMS 03037578803 یہ ایک گہرے اثرات کی حامل دوا Deep-acting remedy دوا ہے۔ یہ خاص طور پر ہائی بلڈ پریشر، خون کی شریانوں کے سخت ہونے Atherosclerosis، جگر کے امراض اور ذیابیطس (شوگر) کے علاج میں انتہائی مفید مانی جاتی ہے۔ یہ ایک عنصر وینیڈیم سے تیار کی جاتی ہے۔ یہ دوا جسم میں آکسیجن کے حصول اور بافتوں Tissues تک اس کی رسائی کو بہتر بنانے کی صلاحیت رکھتی ہے۔ یہ خون کی شریانوں، جگر اور چکنائی Fatty degeneration کے نظام پر گہرا اثر ڈالتی ہے۔ یہ جسم میں پیدا ہونے والے زہریلے مادوں کا خاتمہ کرتی ہے اور عمر کے ساتھ شریانوں میں آنے والی سختی کو کم کرنے میں مددگار ثابت ہوتی ہے۔ اہم علامات : دل اور شریانوں کے امراض Cardiovascular System شریانیں سخت ہو جانا Arteriosclerosis جس کی وجہ سے خون کا بہاؤ متاثر ہوتا ہے۔ ہائی بلڈ پریشر High Blood Pressure اور اس سے جڑے سر درد کی کیفیات۔ دل کی کمزوری، سینے میں بھاری پن یا درد کی کیفیت جو بائیں بازو تک پھیل سکتی ہے۔ جگر کا سکڑنا یا جگر کی چربی Fatty Liver/Cirrhosis of Liver۔ جگر کے مقام پر مسلسل درد یا بوجھ محسوس ہونا۔ سانس کی تکلیف Respiratory Issues تپِ دق Tuberculosis کے مریضوں میں کمزوری اور بھوک کی کمی کو دور کرنے کے لیے معاون دوا کے طور پر۔ پرانی کھانسی اور سانس پھولنے کی شکایت۔ عمومی کمزوری اور نقاہت، مریض شدید جسمانی کمزوری، تھکن اور وزن میں کمی کا شکار ہوتا ہے۔ کھانا ہضم نہ ہونا، بھوک بالکل ختم ہو جانا اور معدے میں جلن رہنا۔ ذیابیطس مالیٹس Diabetes Mellitus کے علاج میں وینیڈیم کو ہومیوپیتھک طریقہ علاج میں ایک بڑی دریافت سمجھا جاتا ہے، وینیڈیم جسم میں خون کی شکر Blood Glucose کی سطح کو قدرتی طور پر نیچے لانے میں مدد دیتی ہے۔ یہ خلیات Cells کی انسولین کے خلاف مزاحمت Insulin Resistance کو کم کرنے میں معاون ثابت ہوتی ہے، جس سے جسم انسولین کو بہتر طریقے سے استعمال کر پاتا ہے۔ شوگر کے مریضوں میں اکثر خون کی شریانیں سخت ہو جاتی ہیں، گردے یا جگر متاثر ہوتے ہیں اور پیروں میں سن پن یا کمزوری آنے لگتی ہے۔ وینیڈیم ان تمام عوارض کو روکنے اور شریانوں کو لچکدار رکھنے میں مدد دیتی ہے۔ شوگر کی وجہ سے ہونے والی جسمانی کمزوری، وزن میں تیزی سے کمی، بار بار پیشاب آنے کی حاجت اور اعصابی تھکن میں اس کا استعمال مریض کو بہتری فراہم کرتا ہے۔ طریقہ استعمال: بلڈ شوگر کی سطح کو قابو میں رکھنے اور خلیات Cells کی انسولین کی حساسیت کو بہتر بنانے کے لیے اس کے مدر ٹینکچر کے 5 سے 10 قطرے آدھا کپ پانی میں دن میں دو یا تین بار۔ یہ خون میں شوگر کے طویل مدتی اثرات کو کم کرنے میں مدد دیتی ہے۔ علامات کی شدت اور مریض کی جسمانی حالت کے مطابق 3X یا 6X یا 30 پوٹنسی استعمال کروائی جاتی ہے۔اگر مریض میں شوگر کے ساتھ ساتھ شدید کمزوری، جگر کی خرابی Fatty Liver، یا شریانوں کی سختی Atherosclerosis کی علامات موجود ہوں، تو 30 پوٹنسی یا لو پوٹنسیز جسم کے اندرونی افعال کو درست کرنے میں گہرے اثرات مرتب کرتی ہیں۔